न्यून व्यान्डविथ Invert Color A- A A+

सल्यान जिल्लाको संक्षिप्त परिचय

सल्यान जिल्ला नेपालको मध्यपश्चिमाञ्चल विकास क्षेत्र हालको कर्णाली प्रदेश अन्तर्गत महाभारत श्रङ्खलाको मध्य भागमा अवस्थित एक जिल्ला हो । यो जिल्ला प्राक्रितिक सम्पदा, तथा धार्मिक स्थलहरु र सँस्कृतीले धनी जिल्ला मानिन्छ । नेपालको राजधानी काठमाण्डौ देखी करिब ४९६ कि.मी. (मोटर बाटो) को दुरीमा यस जिल्लाको जिल्ला सदरमुकाम खलङ्गा रहेको छ । यस जिल्ला ववइ नदिको ३२६ मिटर उचाइ देखी २८२७ मिटर उचाइको खर्शुवास लेकसम्म फैलिएको छ भने जिल्ला सदरमुकाम १५३६ मिटर उचाइमा रहेको छ । यो जिल्ला भौगोलिक हिसाबले राप्ती अञ्चलको प्यूठान पछिको दोश्रो सानो जिल्ला हो । करीव साढे दुई लाख जनसङ्ख्या भएको यस जिल्लाको क्षेत्रफल १,९५१ वर्ग कि.मी. (१,९५,१७८ हेक्टर) रहेको छ । यो जिल्ला २८ ३१ देखी २८ ५३ उत्तरी अक्षांश र ८२ ० देखी ८२ ४६ सम्म पुर्वी देशान्तर सम्म फैलिएको छ । यस जिल्लाको पूर्वमा रोल्पा पश्चिममा सुर्खेत र बर्दिया उतरमा जाजरकोट र रुकुम दक्षिणमा दाङ र बाँके जिल्ला रहेका छन् । जिल्लाको जनसंख्या २४४९४३ रहेको छ ।  यो जिल्ला ऐतिहासिक महत्व बोकेको जिल्ला भएको खैरावाङ भुवनेश्वरी मन्दिर लक्षमीपुर शक्तिपिठ छाँयाक्षेत्र मन्दिर कृष्ण मन्दिर देवस्थलका साथै कुपिण्डे ताल र कछुवा दह जस्ता तालहरु पनि रहेका छन् । जिल्लाको उतर पश्चिममा बग्ने भेरी नदी र मध्ये भागबाट बग्ने शारदा नदिका साथै मर्म खोला‚ वनगाड खोला‚ कोर्वाङ खोला‚ दार्मा खोला‚ मोखला खोला‚ चाक्ला खोला जस्ता खोलाहरु एंव ज्यूला वेशी र फांटहरुले जिल्लालाइ उर्वरता प्रदान गरेका छ्न् । यस जिल्लामा अदुवा‚ बेमौसमी तरकारी र खसी बाख्रा पालनको राम्रो सम्भाव्यता रहेको छ । जिल्लाका प्राय सबै गाविसहरु हिउदमा कच्ची मोटरबाट जोडीएका र यस जिल्ला हुदै रुकुम सदरमुकाम जाने राप्ती राजमार्ग जिल्लामा ९० किमी र छिन्चु जाजरकोट डोल्पा सडक १५ किमी पक्की सडकका कारणा जिल्लामा यातायातको नियमित सुविधा रहेको छ ।

कार्यालयको परिचय   

सल्यान जिल्लाको सदरमूकाम खलंगा देखि उत्तरी भुभागमा पर्ने बागचौर नगरपालिकाको वडा न २ मा यस ईलाका प्रशासन कार्यालय रहेको छ । यस कार्यालयको स्थापना वि.सं. २०७२ साल असोज २८ गते भएको हो । यस कार्यालयको सेवा क्षेत्रका रुपमा सल्यान जिल्लाका बागचौर नगरपालिका, दार्मा गाउँपालिका र कुमाख गाउँपालिका गरी ३ वटा स्थानीय तहहरु रहेका छन् ।

 

पछिल्लो अपडेट गरिएको : 2078-07-05 13:46:26

© सर्वाधिकार सुरक्षित ईलाका प्रशासन कार्यालय, थारमारे, सल्यान

Powered By: ProActive Developers